Студенттик кеңеш

Студент үчүн Кыргыз эл аралык универсалдуу колледжи — бул заманбап окуу программалары, лекциялар жана семинарлар, сессиялар гана эмес, ошондой эле ар тараптуу студенттик жашоо.

Студенттик жашоону жаркын жана ар түрдүү кылууга, окуучуларды жалпы кызыкчылыктар негизинде бириктирүүгө Студенттик Кеңеш чакырылган. Демилгелүүлүк жана өзүңө ишеним, лидерлик жана командада иштей билүү — бул сапаттарды окуу гана эмес, колледждин студенттик жамааты да өнүктүрөт.

Студенттик кеңеш — студенттик өзүн-өзү башкаруу органы, студенттер үчүн бардык академиялык иш-чаралардын уюштуруучусу. Иш төмөнкү багыттар боюнча жүргүзүлөт:

• студенттик чөйрөнүн башка мекемелери жана уюмдары менен өз ара аракеттенүү;
• окуу шарттарын жана сабактан тышкаркы жашоону жакшыртууга багытталган студенттердин демилгелерин өнүктүрүү;
• студенттердин уюштуруу-техникалык иштерге активдүү катышуусу: көргөзмөлөр, конференциялар, илимий семинарлар;
• ийгиликтүү окуп жаткан студенттердин эс алуусун жана көңүл ачуусун уюштуруу;
• студенттердин окуу пландарын аткаруусу, окуу тартиби жана жүрүм-турум эрежелери үчүн жоопкерчилигин жогорулатуу боюнча иш-чараларды иштеп чыгуу жана ишке ашыруу;
• жетекчиликтин бардык деңгээлдеринде студенттердин кызыкчылыктарын көрсөтүү;
• студенттик жамааттарды башкаруу процесстерин активдештирүү жана аларды колледждин коомдук жашоосуна тартуу;
• студенттер жана администрация үчүн бирдиктүү маалымат мейкиндигин түзүү;
• стипендия фондун бөлүштүрүүгө жана муктаж студенттерге материалдык жардам көрсөтүүгө катышуу.